Pathian malsawmna kan dawng nasa &#8211; Lalduhoma

Hrangturzo Bial West Block ZPM chuan vawiin (1.4.2026) hian Conference leh Political Training, Hriangtlang khuaah an hmang a, ZPM Leader Lalduhoma, Chief Minister-in a hmanpui.

Chief Minister chuan thu sawiin, tunlai hian eptu lamten ZPM hi ‘man kuhmumah an par,’ tiin sawrkar hmalakna tam tak hi an lo ruahman sa niin an sawi thin tih sawiin, “Keini sawrkar hi Pathianin mal min sawm a, kan sawrkar hlawt a, hlawtlinna tam tak kan chang nghal. Congress leh MNF te kha an lo kuhmum rei lutuk a, keini erawh chu kuhmum hman meuh loin kan par nghal mawlh mawlh mai a ni,” a ti.

Lalduhoma chuan, “Pathian malsawmna kan dawng nasa em em. Sum kan enkawl thiam avangin Efficiency in Financial Management ah nuai singthum sangnga kan dawng. GPF ah sawrkar hna thawk a mamawh apiang kan pe a, pension singthum dawn kan tih felsak bawk,” tiin 16th Finance Commission-in kum 5 dang lo awm leh tura sum dawn tur an relnaah India rama state dawng hnem ber 4-na kan nih theih thu a sawi.

ZPM tarlan danin, CM hian Hrangturzo West khaw hrang hrang atangin ZPM-ah mi thar 106 a lawm lut nghal.