May 02, 2026
Saturday
Siaha-a mi pawisa thahnem tak rutu ni ngeia hriat chu ni 30.4.2026 khan Falkland Veng, Aizawlah an man.
Thudawn danin, K. Napy, Meisatla I, Siaha te in chu tunhnai khan mi tu tih hriatlohin rawkin, an room chhunga plastic drawer a pawisa an dah Rs. 5,10,000/- chu rukchhuah a ni. In neitunu hian April 28, 2026 khan Siaha Police Station-ah FIR a thehlut a, Siaha Police-te chuan thubuai an ziak lut.
Uluk takin an chhui zui nghal a, April 30 khan pawisa rutu ni ngeia rinhlelh Vanlalpeka (20) s/o Ramfangzauvi, Meisatla I, Siaha chu Bawngkawn Police-te chuan Falkland Veng, Aizawlah man a ni a, a pawisa ruk ni ngeia hriat Rs.5,00,000/- chuang hmuh let a ni. Bawngkawn PS atangin Siaha Police-ten Vanlalpeka hi an la.
He pawikhawihnaah hian midang inhnamhnawih an awm em tih leh evidence dangte zirchian mek a ni.
