News

Vawiin (6.8.2026) hian MNF Thalaite chuan an President thar Gogo Lalremtluanga, GS, MNF Headquarters hoa a vawikhatna turin executive meeting an nei a, Chief Minister Lalduhoma’n kan ram leh hnam inhumna ILP sawi derthawng leh mipui tithlabâr zawngin thu a sawi nia tarlangin, “Pawi kan tiin Chief Minister hi a thu sawi sut tur leh Zoram mipuite hnena thupha chawi turin kan phut. Tin, Chief Minister hi dawt sawi bansan tawh turin an phut bawk,” tiin Chief Minister chu a zin haw pawndum nena lo hmuah an tum a ni.

An sawiho dangte :

MNF Thalai chuan MIGAHTA-te’n an dikna chanvo humhalh nana an hmalakna chu awm kan tihpuiin kan thlawp. MNF Sawrkarin zirna-in a lo provincialised tawh ZPM Zawrkarin a enkawl chhunzawm thei lo chu sawrkar rorelna fel tawk lohzia leh mumal lohzia tilangtu a ni.

Sawrkarin lirthei atangin cess a lak belh teuh hnuah pawh kawngpui a chhe tulh tulh hi MNF Thalai chuan a pawi kan ti hle. Lirtheia veivakte’n nitin harsatna nasa tak an tawh laiin, an sum khawn cess chu engatan nge hman a nih chhanna sawrkarin a pe thei lo chu langtlang sawrkar a nih lohzia lanna a ni.

Mizoram Sawrkar Power & Electricity Dept. in smart metre thar an kalpuiah hian nasa takin mipui leh harsa zawkteah nghawng a nei mek. Sawrkarin mipui tana harsatna a siam sak mek kawngah MNF Thalai chuan a zirchiang ang a, a tul angin Mizoram mipui tân hmalâk a ni ang.

MPSC chungchânga MZP hmalak mêkna hi MNYF chuan kan thlawp a, MPSC hian ZPM Sawrkarna hnuaiah hian tih sual leh mi tam tak rilru a tina mek a, tun hnuah Mizo thalaite rin ngam ni turin ZPM sawrkar hian a lo intiam tawh angin MPSC hi thuam chak thuai rawh se.