Jul 31, 2026
Friday
Serchhip Circuit Court chuan naupang kumtling lo pawngsualtu RT Lalhlimpuia, Thenzawl chu hrehawm taka kum 20 chhung lung in tang tur leh Rs. 20,000 chawi turin a hrem.
Court thuremna-a tarlan a nih danin, he pawikhawihna hi kum 2023 chhova thleng a ni a, pawikhawihtu hi POCSO Act hmanga thubuai siamsak niin, thubuai ngaihtuahtu Additional District & Sessions Judge Serchhip Circuit Judge Julie Lalrinzami chuan July 17, 2026 khan thiam loh a chantir a, hrem a nih dan tur erawh a puang nghal lo.
Hrem a nih dan tur hi nimin (30.7.2026) khan puangin, hrehawm taka kum 20 chhung lung in tang tur leh Rs. 20,000 chawi turin a hrem. A sum chaiw tur hi a pe thei lo a nih chuan kum 1 dang a tan belh a ngai dawn a ni.
RT Lalhlimpuia hian tuna thiam loh a chantir a nihna thubuai bakah hian naupang pawngsual thubuai dang a nei a, hei pawh hi court-in a ngaihtuah mek a, thutlukna siam a la ni lo.
