Plastic bottle leh sarang leikhawm

Chawnpui Branch YMA hnuaia ‘Faina Beihpui Komiti’ chuan faina beihpui an kalpui mekah vawiin (November 5, 2025) zing dar 7:00 atang khan plastic bottle leh sarang an lei khawm.

Kg khat zel Rs. 30/- in an leikhawm a, kgs. 150 chuang an leikhawm a ni. Environment venhim nan plastic bottle hi leikhawm a ni a, Chawnpui Branch YMA hruaitute chuan he an thil tih hian environment chhe zel tur venna atan, a bik takin kan lui nungcha chereu zel tur venna atan leh, kumtin a kan kan tawrh thin leimin nasa tak venna kawngah engemaw chen chu a puih ngei an beisei a ni.

Chawnpui Branch YMA hruaitute chuan UD&PA, Aizawl Smart City Ltd, AMC leh Central YMA țangkawp buatsaih Aizawl City chhunga Branch YMA fai inelna atan Chawnpui Local Council uapna hnuaiah vengchhung tlawmngai pawl hrang hrang – kohhran tin țhalai pawlte, vengchhung school tin aiawhte, taxi welfare leh hawkers zawng zawng nen țangrualin “Faina Beihpui Komiti” an din.

Vengchhung mi țhahnemngai ten Rs. 2,00,000/- (cheng nuai hnih) chuang an thawhkhawm ațangin kawng hrang hrangin hma an la a ni.

Plastic bottle ruak leh sarang țhahnem tak an lei chu paih mai lovin a theih chin chinah thil țangkai tak siam nan hman dan an ngaihtuah dawn a ni.