News

Aizawl SP Zosangliana chuan vawiin hian a office-ah press conference koin, ruihhlo leh thildang vanga police vek an man chungchang a sawifiah.

Aizawl SP thusawi :

Aizawl Police Station Case No.559/25 Dt. 16.12.2025 u/s 61(2)/308(2)/319(2)/62/3(5) BNS:
Ni 16.12.2025 tlai dar 5:45 ah OC, Aizawl Police Station in Special Narcotics Police Station hnen atanga FIR dawn bawhzuiin case register a ni a. FIR-a a lan dan chuan Ni 15.12.2025 zan hian New Capital Complex thlanmual road ah dan phal loh thil Methamphetamine hralh/lei a awm dawn ni a thu an dawn angin Special Narcotics Police Station staff te chu New Capital Complex thlanmual road lamah hian operation neiin an kal nghal a. New Capital Complex thlanmual road an thlen chuan, mi pathum (police mi leh sa vek) chu kawngsirah an lo awm a, hengmi te hi man nghal an ni a. Heng mite man an nih hnu hian an zinga pakhat phone call dawn in Khatla lamah Methamphetamine chu in hlan tura a rawn hrilh angin Khatla lamah an kal leh nghal a, Khatla ah hian Methamphetamine hralh tur lo kengtu hmeichhe pakhat leh Methamphetamine hralh tur a ken pawh chu mansak nghal a ni a. Methamphetamine an mansak pawh hi Methamphetamine tak tak ni lovin a lem a ni tih hriatchhuah a ni nghal bawk a ni. A hnuaia mi hi an mi man te chu an ni:
(i) Lalrinngheti (35) d/o Zosangliana of Venghlui, Aizawl, mastermind of the operation and possessor of fake Methamphetamine.
(ii) Constable No. 325 RL Remlalnghaka (28) s/o Lalnuntluanga of Zemabawk North, 5th IR Bn., attached to ERSS, Aizawl DEF.
(iii) Constable No. 135 Vanlalringa (32) s/o Lalchawimawia of Bungkawn Veng, Aizawl, Aizawl DEF, attached to Security Unit.
(iv) Constable No. 57 Andrew Lalremruata (29) s/o Zothankhuma of Chanmari Veng, Aizawl, Aizawl DEF, PSO to CO, 1st MAP.
Police mi leh sa pathum te hi a hnuaia office order tarlan hmanga an hna atanga suspend nghal an ni:
(i) Constable No. 325 RL Remlalnghaka, 5th IR Bn., attached to ERSS, Aizawl DEF vide Office Order No.5IR/R-PF/C-325/25/1983 Dt.22.12.2025.
(ii) Constable No. 135 Vanlalringa, Aizawl DEF, attached to the Security Unit vide Office Order No.E/RO/PF/C-135/2025/1094 Dt.19.12.2025.
(iii) Constable No. 57 Andrew Lalremruata, Aizawl DEF, PSO to CO, 1st MAP vide Office Order No. E/RO/PF/C-57/2025/1093 Dt.19.12.2025.

He thil chhui zuina atanga a lan dan chuan heng kan mi man te hi inthurual in dan phal loh damdawi lei duh tur an zawng a. An damdawi lei dan tur leh an inhlan na hun leh hmun tur te an ruat fel hnu ah police mi leh sa te hi CID police officer anga in sawiin an hmun ruat ah hian damdawi lei tum tute chu man in an damdawi leina tur pawisa chu tharum hmangin an chhuhsak ta thin a, heng an pawisa chhuhsak hi a hnu ah an in sem leh thin a ni. Anmahni inpuanna atanga a land an chuan hetiang thil ti hian a hma in vawi ruk ai tlem lo chu an lo hlawhtling tawh nghe nghe a ni. Kan mi man te an inpuanna atanga a lan dan in police mi leh sa tho Constable No.348 Alex Lalnunfela (26) s/o C. Lalsangzuala of New Capital Complex, Aizawl, 5th IR Bn. attached to AIG (Ops), PHQ pawh an thil tihna ah hian a lo tel ve thin tih hriat a ni a, ani pawh hi man nghal a ni. Kan mi man te hi thu zawhfiah an nih hnu ah judicial remand in Jail lamah thawn vek an ni.

He case chhuizuina leh mi mante inpuanna atangin civil mi dangte pawh in hnamhnawih an lo awm a, chung mite chu:

(i) Lalchhanhimi (40) @Chhami w/o C. Rolawmkima (L) of Kulikawn, Aizawl.
(ii) Lalnunpuii (41) d/o VL Hruaia of Venglai, Kolasib.
(iii) Lalrinchhani (38) d/o Lalfakzuala (L) of Electric Veng, Lunglei.
(iv) Lalmalsawmi (41) d/o BNBordoloi of Armed Veng South, Aizawl.

Heng mite pawh hi man nghal vek an ni a, thu zawhfiah an nih hnu ah judicial remand in Jail lama thawn an ni tawh bawk.

2. Kulikawn Police Station Case No.137/25 Dt. 17.12.2025 u/s 308(2)/319(2)/240/61(2)/3(5) BNS:

Ni 01.12.2025 khan Pu James Zoliana of Kanhmun, Present Add: Samtlang, chuan SP, Aizawl ah FIR register tur a ngenna leh tanpui dilna a thehluta. A lehkhaa a ziah lan dan chuan Dt. 20.11.2025 chhun dar 11:30 vel khan a hmelhriat Anthony-a chu Ram leina tur pawisa kentir in an khaw pa Micky-a nen Falkland ah an in hmu a. An pahnih hian World Bank Road, Trinity Hospital an thlen phei hma deuh in car pakhat Maruti Suzuki Fronx Regn. No MZ-01AE-1459 a mipa pakhat leh hmeichhe pahnih chuang te nen in hmu in, an in hmuh hnu lawk chuan Bullet Bike Trinity Hospital lam atanga lo phei chu an piah deuh ah ding in he bike a chuang mipa pahnih Police Uniform ha te chuan lo pan in kan zawn lai in ni ti in an dap nghal a, he ta an pawisa ken Rs.17,40,000/- te chu an chhuh lui a ni.

Hemi thil thleng chungchang hi uluk tak leh fimkhur takin ASI Thangkima of Kulikawn Police Station chuan a chhui zui a, Kulikawn Police Station ah FIR a thehlut a, FIR-a a lan dan chuan Dt. 19.11.2025 khan complainant James Zoliana leh a thurualpui hnamdang mi pahnih Abdula leh Debua tia a hriat te nen Damdawi (Methamphemamine) lei tur in Aizawl ah an rawn kal a, Hotel Spice Corner, Falkland ah thleng in Damdawi lei dan tur leh inpek dan tur an rel ho a. Dt. 20.11.2025 ah Damdawi lei tur in Anthony-a chu an tir a. Damdawi lei tur a an indawr lai in Bike a rawn kal mi pahnih Police ni a rin (pakhat zawk chuan Jacket uk a ha) te chuan kan mi zawn lai in ni ti in a kalpui pa Micky-a chu an zawn lai anih thu an sawi a. Anthony-a erawh chu an haw tir a. A hnu ah car a rawn chuang mi 3 leh Micky-a leh Bike a rawn kal mi 2 an vaiin mi Paruk te chuan he pawisa Rs.17,40,000/- hi an in sem ta ani.
James Zoliana hian heng hnam dang mi pahnih te hi Rs.50,000/- hlawh in a rawn hruai thu a sawi bawk a, James Zoliana hian thu diklo SP, Aizawl hnenah a thehlut avangin man a ni.

He case a in hnamhnawih mi panga pawh hriat an ni tawh a, a hnuaia mi te hi an ni:

(i) Lalthlamuani d/o Lalfaka of Electric Veng, Aizawl
(ii) Lalmalsawmkimi d/o Nuchhungi of Armed Veng South, Aizawl
(iii) Lalhmunmawia h/o Lalrinsangi of ITI Vengthar, Aizawl
(iv) Lalremruata s/o Ramengmawia of CHaltlang, Aizawl
(v) Micky Lalmuanpuia s/o Vanlalsawma (L) of Edenthar, Aizawl.

A chunga tarlan he case a in hnamhnawih te hian Court atangin interim bail an lo neih hman avangin man an la ni lova, man theih an nih veleh man nghal an ni ang. Tin, mi pakhat Excise & Narcotics mi leh sa ni a chhal Hriatpuia ti a hriat hi a nihna dik tak la kan la hrechiang thei lova, bawhzui mek a ni.

(iii) Aizawl Police Station Case No.561/25 Dt. 19.12.2025 u/s 61(2)/308(2)/319(2)/62/3(5) BNS:

Ni 19.12.2025 khan OC, Aizawl Police Station in SI Lalpianpuii of Aizawl Police Station hen atanga Enquiry Report a dawn bawhzui a register a ni a. Enquiry Report-a a lan dan chuan SI Lalpianpuii hi Aizawl Police Station-a a duty lain Z. Lalchhuansanga s/o Ngunawrha of Sangau, Lawngtlai District hnen atangin ziaka complaint dawn a ni a. He complaint-a a in ziah dan chuan Z. Lalchhuansanga leh a thiante pahnih Romalsawma leh Vanhleia te chu Dt. 17.11.2025 zan khan Sangau Atangin Aizawl ah HC Lalrinkimi (Phone No.7005422462) ITI Veng, Aizawl hnen atanga Detonator lei turin an lo kal a, HC Lalrinkimi te inah hian an thlen chilh nghal a ni.

Dt. 18.11.2025 zan tir lam khan Z. Lalchhuansanga leh a thiante pahnih bakah HC Lalrinkimi leh a thiannu Lalngaihzuali te chu lirthei (Sumo) hmangin detonator lei tur chuan an kal a, Falkland Venga Dawnfawh zawrhna bulah an ding zawk a, chuta tang chuan detonator in leina hmunatana an ruat Ramthar Veng Chite Kai lam panin an kal leh a. A hmun an thlen chuan Lalrinchhani chu detonator lo kengin Taxi in a lo thleng chawpchilh ve nghal a. HC Lalrinkimi chuan detonator ve endik turin rucksack-a Rs. 5,00,000 ak chungin taxi lam a va pan a, Lalrinchhani chuan detonator sample chu endik turin a lo phawrh a, a bak chu parcel bawm lehkhapuan vara tuam chhungah a awm bawk a, hetih lai tak hian mipa pali hmai tuam CID officer ni a inchhalte chu lo thlengin Taxi chu an rawn hual nghal a, Rs. 5,00,000 leh detonator te chu an chhuhsak nghal a. He thil thlen danah hian Z. Lalchhuansanga hian police lem te leh Lalrinchhani hian an bum ni in a hria a, a pawisa Rs. 5,00,000 hmu let leh tur hian police tanpuina a lo dil a ni.

He thil thleng hi chhui zui ni in, mi thenkhat chu hetiang inbumna thila in hnamhnawih avangin Aizawl Police Station Case No.559/25 Dt. 16.12.2025 u/s 61(2)/308(2)/319(2)/62/3(5) BNS kaihhnawih ah man an lo ni tawh a, heng mi man tawh te thu zawhfiah na atanga a hnuaia mite hi man an ni ve leh bawk a ni:

(i) Constable RL Remlalnghaka (28) s/o Lalnuntluanga of Khanpui P/A: Zemabawk North, Aizawl
(ii) Constable Alex Lalnunfela (26) s/o C. Lalsangzuala of New Capital Complex, Aizawl
(iii) Constable Andrew Lalremruata (29) s/o Zothankhuma of Chanmari Veng, Aizawl
(iv) Krosshlupuii (37) d/o Kawlnithanga of Hunthar, Aizawl
(v) Lalrinchhani (38) d/o Lalfakzuala of Electric Veng, Lunglei.Kan mi mante hi thu zawhfiah an nih hnu ah judicial custody-a awm turin Jail lamah thawn vek an ni.

Heng case a inhnamhnawih police mi leh sa te hi criminal case an awrh mai bakah hian na taka hrem an nih theih nan Departmental Proceedings kalpui in uluk taka chhui zui an ni bawk ang.