News

Lunglei Police-te chuan nizan (2.3.2026) khan Jedaz Filling Station, Lungleiah Myanmar lama phurh tur tuialhthei load lai an man

Thulaknain a tarlan danin, Lunglei Police-te hian nizan zanlai dar 12:00 pelh hnu deuh khan report an dawn chu bawhzuiin, District Magistrate khapna bawhchhiaa Jedaz Filling Station-a tuialhthei barrel-a load lai an man. Tuialhthei hi Myanmar lama thawn tur a nih thu, a leituten an pha lo tih an sawi.

Tuialhthei leitute chu C Chawngkunga, Thiltlang; Isak Malsawmdawngliana, Zobawk leh C Lalthanruala, Rahsiveng te an ni.

Jedaz Filling Stationa thawk, Tuialhthei lo pe tute chu Samy Suraj, Bihar;
Malsawmkima, Pukpui leh K Lalhmingsanga, Zotlang te an ni.

Lunglei Police-in tuialhthei an man sak hi barel 39 leh a chanve, litre 7,620 a ni. Jedaz Filling Station a thawktute chuan an pu in pe tura a tih anga pe chhuak an nih thu Lunglei Police-te an hrilh.