News

Chief Minister Lalduhoma’n remna thuthlung leh ILP chungchang a sawi dan duh loh avanga MNYF bultuma CM Office bula pungkhawm MNF-te leh CM Office gate bula police duty-te chu rei vak lo an innawr.

MNF pungkhawmte chuan Chief Minister hian a bangla a pan nghal ngam lo nia an hriat avangin MNF Gen Hqrs.-in a thusawi avanga August 15, 2026 hmaa a thusawi sut tur leh ngaihdam dil tura Lalduhoma an phutna lehkha hi CMO-ah thehluh an tum a ni. Hei hi police-te chuan lo dangin an innawr a, buaina siam tum an nih loh thu sawi mah se, kaltir an remti lo.

Rei vak lo hnuah mi 15 vel luh phalsak an ni a, buaina a awm chhunzawm lo. MNYF President Gogo Lalremrluanga chuan an rawn chhuah hnuah an lehkha chu dawng ngam an awm loh avangin CM Office kawngkharpuiah an tar thu a sawi.