Dec 11, 2025
Thursday
Mizoram Youth Commission (MYC) chuan Mizo thalaite’n lehkha chhiar an uar theihna atan ‘promotion of book reading culture’ an buatsaih dawn.
MYC Chairman Malsawmzuala Ralte chuan vawiin (11.12.2025) hian Aizawl Press Club-ah peess conference neiin promotion of book reading culture an buatsaih tur thu hi sawiin, “Lehkha chhiar tlen avanga Mizo thalaiten chona leh harsatna an tawh chhoh mek sukiang thei turin he programme hi duan a ni. Lehkha chhiar tam inzirtir kan tum,” a ti.
He programme hnuaiah hian MYC Book Club dinfel a ni tawh tih sawiin MYC Chairman chuan, “MYC Book Club hnuaiah hian tu pawh a duh apiang tan in register theih a ni,” tiin event hrang hrang school, college, veng leh kohhranahte hmalak chhoh mek a nih thu a sawi.
Malsawmzuala chuan December 15, 2025 chawhnu dar 1 atanga zan dar 8 thleng Aijal Club Park-ah MYC Read Fest, 2025 buatsaih tum a nih thu pawh a sawi a ni.
