News

Rajya Sabha MP K.Vanlalvena chuan vawiin (7.1.2026) khan Prime Minister Narendra Modi leh India President Droupadi Murmu hnenah Mizorama Indian Air Force (IAF) te’n hmunhma an lei chungchanga thil dik lo awmte chhui tu tur central investigating agency (CIA) te tir lut tura ngenna a theh lut.

K Vanlalvena chuan ram venhimna atana thil pawimawh Mizoram chhunga din hi Mizo mipuite’n kan pawm tih tarlangin, “Chutihlaiin mi hlemhle leh pamham ten dik lo taka sum an siamna hmanrua atan kan ram leilung hman kan rem tih lo,” tiin Prime Minister leh President hnenah hian ziakin a thlen a ni.

Mipui pawisa Central Sawrkar sum IAF-te tana ram lei dan a thil dik lo awm zawng zawngte chhui chhuak a, dikna hailan a nih ngei theih nan Sawrkar laipui hnuaia dan bawhchhiatna chhuitu (CIA) te hnena a rang thei ang bera thupek siam turin Prime Minister leh President te chu K Vanlalvena hian a ngen a ni.