May 13, 2026
Wednesday
Myanmar sipaiten mipui sipai kut atangin Khawmawi (Tiau) chuhsak an tum ni-a sawi a awm vangin tunlai hian Zokhawtharah raltlan eng emaw zat an luh belh.
Thudawn danin, thuthang awm vang hian nimin (12.5.2026) khan Mizoramah mi 811 an lut a, vawiinah mi 11 luh belh lehin, tunhnaia raltlan lo lut thar chu mi 822 an tling tawh a ni.
Zokhawthar Br. YMA hruaitute chuan raltlan hi Zokhawthar Police leh Assam Rifles-in lo dawngsawngin an chhinchhiah a, an nih an awmna tur an ruahmanpui tih an sawi.
An sawi danin, raltlan lo lut zinga a tam zawk chuan an chhungte an bel a, in luah tur zawng pawh an nual. Tunah hian Zokhawtharah raltlan awm sa sang sarih vel an awm mek a, hei hi Zokhawthar mipui aiin an tam zawk.
Raltlan awm sa an tam avang hian tun dinhmunah chuan buaipui ngai an awm hran loa, an chhungte belin an awm deuh vek.
