Apr 23, 2026
Thursday
C Lalrema (74) h/o Pari (L), New Serchhip Venglai chu vawiin (23.4.2026) hian ramah thiin hmuh a ni.
Thudawn danin, C Lalrema hi ni 21.4.2026 khan ram kal turin a chhuak a, a haw mai tak loh avangin vawiin hian zawn a ni. Amah zawngtute chuan an ram bul lengkir mawngah chawhma dar 10:30 velah thiin an hmu.
Lengkir hi feet 30 vel niin, a tla a nih an ring. A ruang hi chawhnu lamah an la chhuak thei a, a chhiat deuh tawh avangin tlai dar liah vuiliam a ni. Chakai chaw chiahte an hmuh vangin chakai meichher a chhit tur a chesual niin an ring.
