News

Kolasib District Magistrate chuan thuchhuah siamin; tun hnai maia thenawm Assam State-in inthlanpui (general election) an hmachhawn dawn ramri hrulah mipuite fimkhur turin a ngen.

Assam inthlan dawn avang hian Election Commission of India (ECI) inkaihhruaina hnuaiah state inrina (inter-state border) huam chhungahte venhimna uluk zawk leh khauh zawka kalpui mek a nih thu tarlangin, “Duty leh patrolling-te pawh neih uar a ni. Hemi a nih avang hian ramri hrula khawsa leh veivak thinte pawh fimkhur thiam tur leh, thil pawi thleng thei laka inveng theuh turin mipuite ngen kan ni,” a ti.

Kolasib District Magistrate chuan mipuite thlaphang loa, thlamuang taka awm tur leh district administration leh Sorkar hmalaknate thlawp a, theihtawp chhuah tlang theuh turin mitinte a ngen nghal.