News

Aizawl Wildlife Division leh Protection Division tangkawp chuan ni 30.4.2026) khan an thudawn bawhzuiin Bara Bazar, Aizawlah ramsa sarep zuar nia rinhlelh an man.

Ramsa sarep zuar nia rinhlehte hi hmeichhe pahnih niin, Aizawl Police Station lock up-ah dah an nih hnuah vawiinah magistrate hmaah hruai an ni a, Wildlife Protection Act, 1972 hmanga thubuai siam sak an ni. Hmeichhe pahnih hian thlai pawh an zuar tel a, ramsa sarep hi chu a rukin an zuar.

An ramsa sarep zawrh an man sakte hi sanghal sa rep nia hriat kgs. 18.6, zawng sa rep nia hriat kgs 6.7 leh sakhi sarep nia hriat fun hnih a ni. Thuneitute phalnain ramsa repte forensic examination neih a ni ang. Midang kaihhnawih awm theite an chhuizui mek.