Dec 06, 2025
Saturday
The Salvation Army-ten khawvel pumah kum 134 lai mai an kalpui tawh, Krismas dawn apianga mi harsa tanpui ngaite tana bawm (Ketli Sen) dawha khawlaia rimawi an tum thin, Red Kettle Service chu Mizoramah pawh kumin hian kalpui leh mek a ni.
Kumin 2025 atana Red Kettle chu nizan (5.12.2025) khan India Eastern Territory-a Territorial Commander, Col. Lalbulliana chuan Woodland Hills, Aizawl ah a hawng a, vawiin atangin Mizoram hmun hrang hrangah he service hi kalpui nghal a ni.
Kumin hian Aizawla Corps Band hrang hrang 27 te chuan Aizawl DC remtihnain veng hrang hrangah inrinni apiangin Red Kettle hi an kalpui dawn a, December 20 ah a khaikhawmna a awm ang a, sum lut zawng zawngte chu veng hrang hrangah, khawtlang hruaitu YMA/LC-te rawn chungin a mamawhtute hnenah an sem chhuak vek dawn a ni.
Salvation Army-te hian nikum Red Kettle service ah khan Rs. 4,15,255 an hmu chhuak a, kumin hian mipuite khawngaihna azarah nikum aia tam hmuh chhuah leh ngei an tum a ni.
