Dec 31, 2025
Wednesday
Mizoram Sawrkar chuan Sairang – Guwahati rel tlan hun tihdanglam a nih leh dawn loh chungchangah a hnuaia tarlan ang hian thuchhuah a siam.
Mizoram Sawrkar thuchhuah :
January 1, 2026 atanga Sairang leh Guwahati inkara rel tlan hun tihdanglam chuan Mizoram mipuite tan harsatna a siam tur thu Mizoram Sawrkar hotute’n Northeast Frontier Railway hotute hnenah email thawnin an hriattir. He thu hi ngaipawimawhin, Northeast Frontier Railway (NFR) chuan an Headquarter leh Ministry of Railways lam an rawn hnuah, NFR General Manager chuan hriattirna a tichhuak a; Sairang-Guwahati Express rel no. 15609/15610 tlan hun January 1. 2026 atanga tihdanglam chu sût a ni a, tuna a chhuah hun pangngaiah a chhuak zui zel dawn tih a tarlang.
Silchar-Sairang rela Vistadome coach tlantir tur chungchang pawh ngaihtuahho mek a ni.
