News

Land Revenue & Settlement Minister B Lalchhanzova chuan vawiin (27.2.2026) chhun khan Assembly Session chawlh laiin Directorate of Land Revenue & Settlement-ah surveyor atana lak thar mi 14 te a kawm.

Revenue Department-in inthenfai hna an thawh mekah dik lo taka thil tite chu evidence tha tawk tak a awm chuan an dim dawn loh thu sawiin Revenue Minister chuan, “Complaint dan tur dik taka complaint awmte chu kan bawhzui zel dawn. Revenue Department hi department tawp, eirukna leh hlemhletna tamna leh a thawktute pawh dawr harsa tak anga hriat kan ni thin a, hei hi thlak tumin hotu lian ber atanga distric office-ahte tan lain kan insiam tha mek,” a ti.

B Lalchhanzova chuan Revenue Department mipuiin an thlir dan tam zawk chu mipui nena indawr hnai ber surveyor te kutah a awm tih sawiin, “Kan insiamthat kawngah a hma hruaitu ni turin kan surveyor tharte hi kan beisei che u a, in lakah kan thik thu pawh a chhe dawn hle a ni,” a ti a, mi chan ai chuh te, compensation lakna tura rinawm loh taka thil tih te, ram tehna a lo tlak zeh ve phet te, sawrkar a ram surrender tur ram tehnaa a neitute nena lo in siamrem puia report diklo pekte leh eirukna lam rawng kai reng renga inhnam hnawih lo tura in vawng tlat turin surveyor tharte chu a chah.