News

Nizan (23.1.2026) khan Dawrpui Multipurpose Hall ah YMA Kumpuan ‘Ruihhlo Do’ chungchanga hmalak dan turah, Central YMA hruaitute leh Aizawl khawpui chhunga Branch YMA OB-te an inrawnkhawm.

CYMA President R. Lalngheta chuan ruihhlo do kawngah Branch YMA-te pheikhai rual taka kal a tul thu te, fimkhur tak leh huai taka kal a ngaih dawn thute leh ruihhloa sumdawngte pawh pal an ngaih chuan pal a tul thute a sawi.

Thupui sawi hawng tu CYMA Vice President Prof. Lalnuntluanga chuan, “Ruihhlo avanga kan ṭhalai tam t ak nunna chân ta te leh tuna ruihhlo in a bawhbuai mek te avang te, kan ṭhalai ruihhlo la ti velo te ven himna atan ruihhlo do hi YMA te chuan kan tih makmawh kan kova tla a lo ni ta” a ti.

He inrawnkhawmna hun ah hian Branch YMA OB kalkhawmte atangin rawtna hrang hrang ngaihthlak a ni a, hetiang hian hmalakna tur khaikhawm a ni.

1.Ruihhlo Do na atan Aizawl khawpui chhunga Branch 111 te zone hrang hrang 10 ah inṭhen nise.

2.Zone huamchhunga Branch te aṭangin Zone CADS member tur mi 3 theuh ruatchhuah tur a ni.

3.Zone ṭhenfel / siamfel leh zone hruaitu ruat chu Central YMA hruaituten ruahmanna an siam ang.

4.Zone hrang hrang hmalak tan hun chu Central YMA-in ruahmanna a siam ang.