Ruihhlo ngaite pual camping-ah CM-in a thu a sawi

Nizan khan Chief Minister Lalduhoma chuan nizan (22.2.2026) khan Serchhip District huapa ‘Ruihhlo Ngaite Pual Gospel Camping’ buatsaih follow-up programme hnuhnung ber New Serchhip Prssbyterian Kohhran Biak Inah a hmanpuia, thu a sawi.

Chief Minister Lalduhoma chuan Serchhipa Ruihhlo Puala Gospel Camping buatsaiha lut, eizawnna mumal nei lo leh bultanna nei lote chu sawrkarin a tanpui dawn tih sawiin, “Camp atanga an chhuah hnuah in leh lo te dina, chhungkuate din thei tura ngaihtuahna siam turin ka duh che u,” tiin eizawnna lama an tih tur leh an tuina lamte Pathian hnenah tawngtaia dil turin a chah.

Suala an tluk leh tawh lohna tura tisa lama an kawng tur an lo zawnpui tur thu leh chutianga eizawnna mumal nei an awm phawt chuan bultanna an nei lo a nih pawhin sawrkar in bul a tanpui dawn thu leh an tan sawrkarin sum a ren dawn loh thu Lalduhoma chuan a sawi.

Camp-a lut tam takte chu a hmaa lo lut tawh thin an ni tih Speaker-te ngei pawhin an sawi thu Chief Minister chuan sawiin, “Khatianga suala kan tluk loh tawh lohna turin sawrkar nen kan tankawp a ngai a, Pathianin kan hausakte hi a phal a, lei malsawmna min pek hi a duh a ni. Chumi kawng in zawhnaah chuan in tisa lam mamawh phuhru turin sawrkar pawh a inhuam a, a lo inkau reng a, duhsak bikna kan hlan dawn che u a ni,” a ti.