News

MTP Hqrs.-te’n an kumpuan ‘Ruihhlo Do’ puala beihpui an thlakna kal zela thla khat chhunga ruihhlo an man khawm Rs. 33,87,200 man hu chu vawiin (3.6.2023) chhun khan tihral a ni a, ruihhlo tihral pual hian MTP Office tualzawlah Social Welfare Minister Lalrinpuii hoa hun hman a ni.

Health Minister ni bawk Lalrinpuii chuan dan ang taka damdawi zuar tura sawrkarin phalna a pek, pharmacy thenkhat atanga damdawi zawrh phal loh zuar te, licence mumal nei loa ruihtheihthil zuar tawk an awm thin chu pawi a tih thu sawiin, chutiang ti thinte chu ti tawh lo turin a ngen a ni.

Social Welfare Minister chuan sawrkarna fawng an vawn tirh atangin Mizoram Sawrkar chuan thalai tam tak tibuaia, nunna hlu tak suattu ruihhlo do chu an ngai pawimawh takzet tih sawiin, “Mizoram Social Defence & Rehabilitation Board te, Nasha Mukh Bharat Abhiyan (NMBA) te kaltlanga sawrkarin khawtlang thenfai a tumna kawnga MTP leh tlawmngai pawl hrang hrangten theihtawp an lo chhuahpui thin hi a fakawm,” a ti.

Ruihhlo tihralte :

1.Codeine -2228 Nos x Rs 500 = Rs 1,114,000/-

2.Tapentadol – 103 box & 13 strip = 1160 x Rs 1500 = Rs 1,740,000/-

3.Spasmend – 89 box (890 strip) x Rs 50 = Rs 44,500/-

4.Micro Gaba- 30 Box(300 Strip) x Rs 200 = Rs 60,000/-

5.Heroin (No4) – 6 Hawng x Rs 60000 = Rs 3,60,000/-

6.SAHMA (Liquor)

a)Local: 160 Ltr x Rs 300 = Rs 48,000/-

b)Royal Stag: 9 Btls x Rs 1500 =Rs 13,500/-

c)Beer : 24 Cane x Rs 300 = Rs 7,200