News

Tukin (2.5.2026) dar 8.00 khan Central YMA Hall-ah Central YMA hnuaia ruihhlo do pawl, Central Anti- Drugs Squad (CADS) ten January 20- May 1, 2026 chhunga ruihhlo an man tihralna hun hman a ni a, Home Minister K. Sapdanga’n a hman pui.

Home Minister chuan thu sawiin, “Ruihhlo do kawngah sawrkar leh tlawmngai pawl, a bik takin YMA te thawhhona hlawhtlingin a thlamuanpuiawm. Sawrkar hna hmun sàwma ṭhen a hmun kua hi tlawmngai pawlte zar a ni. Ruihhlo do danah tharum nena bul ṭana, counselling nena hma lak zui zel hi a ṭangkai. Hemi kawngah hian kohhran pawhin nasa takin hma an la. Hetianga kan ṭanho zelna hian Mizo thalaite ruihhlo lakah kan chhanchhuah ngei ka beisei. Hmalakna thar atan khawlai thenfai hnatlang pawh neih leh thuai a ni dawn,” a ti.

CYMA President R. Lalngheta pawhin thu sawiin, “Ruihhlo do kumpuan hnuaia Central Anti Drugs Squad (CADS) te thawhrimna a chhuanawm. Thalaite tichhetu ruihhlo lakah indo puan a ni a, thil tha lo laka mahni inven reng a tul. Ruihhlo tam tak man a ni tawh hi thalaite chhanchhuahna a nih avangin Pathian hruainaah lawmthu ka sawi a ni,” tiin taima tak leh rim taka an do zel chuan Pathianin hlawhtlinna a la pe zel dawn thu a sawi.

Ruihhlo man zat :

1.Heroin hawng 317, tic tac 1185

2.Ganja 49.230 grams

3.Codein 1215 bottles

4.AP, Pregabalin, Nap 10, etc. 8401 tablets

5.Zu (Local) 31 bottles