News

RUSA Assitant Professor Association of Mizoram (RAPAM) chuan thuchhuah siamin, Mizoram Sawrkarin RUSA Assistant Professor-te a dah nghehna tura thutlukna a siam ta hi an lawm takzet tih an tarlang.

A bik takin Chief Minister Lalduhoma; Higher & Technical Education Minister Dr. Vanlalthlana leh DP&AR Minister K. Sapdangate chungah thinlung takin lawmthu an sawi tih tarlangin RAPAM chuan, “Council of Minister-te’n kan dinhmun dik tak kan chan theih nana huaisen taka kan chungchang min tihfelsak avangin lawmthu kan sawi tak meuh meuh a ni,” an to.

RAPAM chuan RUSA Assistant Professor-te hi UGC Regulation 2018 hmanga MPSC-in open advertisement kal tlanga dan dik taka a nghet tura kum 2019-a a lakte an ni tih tarlangin, “Hun rei tak chhung kan chanvo tur kan chan theih loh hnuah, tun sawrkarin kan chanvo dik tak min pe tura thutlukna a siam ta hi kan lawm takzet a ni,” an ti chhunzawm.