News

Mizoram Agriculture Marketing Board chuan Mizoram Sorkarin nakkum (2026) sawhthing a lei/support price a lei dan tur a ti chhuak. Chungte chu a hnuaia tarlan ang hi a ni…

Sawhthing support price hi primary society memberte tharchhuah chauh pek tur niin bag tinah sawhthing neitu hming, khua, phone number leh ration Card number thil tel ngei tur a ni.

Kum 2026 ah chuan Buffer Stock Point siam ani tawh dawn lo a, Secondary Collection Centre (SCC) atangin sawhthing te hi hralh chhuah vek tur a ni.

Sawhthing hi thil chhe hma tak anih avangin SCC hotuten ruahmanna mumal tak an siam tur a ni.

Sawhthing chingtute pawhin an SCC hotute ruahmanna ngaichang chungin sawhthing an cho chauh tur a ni.

SCC kaltlanga sawhthing support price pek theih hun chhung (SCC a sawhthing lak theih hun chhung) hi February ni 2 atanga May ni 30, 2026 inkar a ni ang.

SCC-a sawhthing hralh chhhuah reng reng DAMC aiawh, SCC Supervisor-te enpuina hnuai zelah kalpui tur a ni.

SCC atanga mizothlaithar.mizoram.gov.in portal a upload tur pawh DAMC aiawh SCC Supervisor-te enpuina hnuaiah zel kalpui tur a ni.

Primary society member te sawhthing tharchhuah chu Primary Collection Centre (PCC)-a chhinchhiah fel anih hnuah chauh Secondary Collection Centre (SCC) ah an kalpui tur niin, sawhthing bag a chhinchhiahna chilh telh loh chu SCC ah chhinchhiah/record loh
tur.

PCC hriatpuina lehkha nei lo te chu SCC ah sawhthing an hralh phal a ni lo.

SCC enkawltu ten PCC atanga sawhthing an rawn dah chu a rihzawng dik taka an chhinchhiah hnuah PCC hnenah Thlai Thleng Challan copy an pechhuak ngei tur a ni.

Sawhthing support price dawn beisei lo (claim tum lo) te chuan an duh dan ang leh tha an tih angin engtiklai pawhin an hralh thei reng a ni.