News

Vawiin (7.2.2026) tlai khan Mizoram Agriculture Marketing Board (MAMB) office-ah Opickpure Organic Private Ltd-te’n Agriculture Minister PC Vanlalruata hnenah sawhthing an leina tur pawisa an hlan.

Opickpure-te hian Khuangleng SCC atangjn sawhthing kg. khat Rs. 40 in an lei dawn a, a bultanna atan kgs. 5,00,000 man tur cheng vbc. 2 cheque Agriculture Minister hnenah an hlan. Khuangleng bakah pawh SCC dangah pawh lei zel an tum.

Sorkar chuan kg. khat zelah Rs. 10 kut hnathawktute hnenah support price a pe dawn.

Agriculture Minister chuan rate tha taka kut hnathawktute an hralh tir duh vangin an hmanhmawh loh thu sawiin, “Buyer lian zawkte nen kan inbe zel. Rs. 50 aia toa hralhtir theih kan tum. Kan sawhthing quality thatzia India leh khawvelin a hre tawh a, tlawm taka hralh kan duh lo,” a ti.

PC Vanlalruata chuan kut hnathawktute chu sorkar ngaichang hram hram fura ngenin, a chhe berah kg. khat zela Rs. 50 chu kut hnathawktute’n an tel hrim hrim dawn thu a sawi.