Sawhthingah inrawnkhawmna buatsaih

Vawiin (24.2.2026) chhun khan Mizoram Agriculture Marketing Board (MAMB) chuan district pasarih – Aizawl, Serchhip, Champhai, Kolasib, Mamit, Khawzawl leh Saitual District-a District Agricultural Marketing Committee (DAMC) member, Secondary Collection Centre(SSC) puipa leh society hruaitute tan inrawnkhawmna hun, ‘consulative meeting on thlai thar market’ chu I&WR Auditorium-ah an buatsaih.

Inrawnkhawmna hunah MAMB Co Chairman Dr. KC Lalmalsawmzauva, Adviser to CM chuan sawhthing rate siamna a nih chhan sawiin, “Nikum lamah DAMC/SCC kutah kan dah a, an hralh hman lo hlau khan an intih hniam siak ta vak mai a, sumdawng lam an fing si a, an duh ang angin min chingkual a, chuvangin MAMB chuan India rama Mandi hrang hrang sawhthing rate en chungin, buyer leh seller tana hlawk ve ve turin rate rawn khaikhawm ta a ni. MAMB-in sawhthing rate a siam hi sawrkar sum ren vang emaw, a sen hreh vang a ni ngawt lo, sumdawngten duh duha a rate min control hi tih bo kan duh vang a ni,” a ti.

Inrawnkhawmna-ah hian sawhthing rate (reserved price) siam dan tur leh thlai thar lei leh hralh kaihhnawih thil pawimawh hrang hrang khunkhan taka sawiho a ni.