Jun 26, 2026
Friday
Nimin (25.6.2026) khan Agriculture & Farmers’ Welfare Minister PC Vanlalruata kaihhruaina hnuaiah, a office-ah Mizoram Agriculture Marketing Board (MAMB) chuan Mualkawi Secondary Collection Centre (SCS)-te hnena minimum support price (MSP) aia sanga sawhthing hralhna man tlingkhawm, ₹1,99,833 hlan letna hun an hmang.
Mualkawi SCC te hian primary society pariat – Mualkawi, Zokhawthar, Kelkang, Dilkawn, New Hruaikawn, Hruaikawn leh Buhfekzawl te a huam a ni. Kum 2026 chhung hian Mualkawi SCC-te chuan sorkar flagship programme kaltlangin an bial chhunga farmer-te sawhthing thar chhuah chu auction kaltlangin an hralh chhuak.
Sawrkarin ₹50 per kg a ruat aia sangin sawhthing hi an hralh thei a, an hralhna rate sang ber chu ₹59 per kg lai a ni. MSP aia sanga an hralhna pawisa tlingkhawm hi ₹1,99,883/- niin, he pawisa tlingkhawm hi MAMB hnenah Mualkawi SCC chuan an chhung lut. An pawisa chhun luh ang ang chu MAMB hian Agriculture Minister hnenah an hlan let leh a ni.
