Feb 09, 2026
Monday
Nimin (8.2.2026) zan dar 7:30 vel khan Aizawl – Thenzawl – Lunglei road, Thenzawl huam chhungah scooter (scooty) an insu a, PC Lalchhanhima (51) s/o Thansanga chu a hliam tuar loin a thi.
PC Lalchhanhima hian hliamna tak tawrh avangin Ayush Hospital, Thenzawl panpui a ni a, damdawi in thlenpui a nih hnu lawk zan dar 7:45 velah a hliam tuar loin a thi. Postmortem a nih hnuah, vawiinah vuiliam a ni.
PC Lalchhanhima’n scooty-a a insutpui hi Vanlalchhanhima (21), Thenzawl Venghlun a ni a, hliamna tak tuarin, nikhawhre loin a awm. Thenzawl Damdawi In aťangin ZMCH lamah refer a ni.
