News

Bawngkawn Police-te chuan nimin (25.6.2026) tlai dar 5:10 vel khan Seling Zero Point-ah heroin thahnem tak leh a kaihhnawihah mi pali an man.

Thudawn danin, Bawngkawn Police-te hian Seling Zero Point-ah hian auto rickshaw pakhat, hmeichhe pathum phur chu lo tidingin an endik a, hmeichhe pathumte hnen atang hian heroin man vek a ni.

Tingboichong Hoakip (27), Salemphai, Manipur kut atangin heroin grams 13; Nemreikim (37), K Mongjang, Manipur kut atangin heroin grams 185.66 leh Nemneihling, Salemphai, Manipur kut atangin heroin grams 200.98 man a ni.

Bawngkawn Police-te hian an chhuizuina atangin hmeichhe pathumte hi Manipur atangin bolero AS 06/AA 8922 hmangin an rawn kal a, Seling Zero Point-a police duty pumpelhna atan auto rickshaw-ah an chuang tih an hre chhuak a ni. A hnuah bolero khalhtu Thangchungha, Bolgol, Manipur pawh an man leh.