News

Vawiin (27.8.2026) Assembly Session zawhna leh chhanna hunah Assembly Speaker chuan zawhna House-a chhan chi (starred question) pakhat chu a hun hma leh authority ni loin social media-a chhiar theih tura a dah vangin ziaka chhan chi (un starred question) ah leh a nih thu a tarlang.

Speaker sawi danin, starred question a hun hmaa social media-a darh hi starred question 22 na a ni. Session-a zawhna hi session-a zawh a ni a, a concern minister-in a chhan hma chuan khawiah mah pawn lama tih chhuah thiang a ni lo. Chhiar theih emaw hmuh theihin a awm tur a ni lo.

Social media-a chhiar leh hmuh theiha starred question 22 na chu a lo awm palh thu sawiin Lalbiakzama chuan, “A zawttuin a hriat duh a hriat kha a right a nih bawk si avangin starred question atangin un starred-ah leh a ni. A zawttu nen inbiain kan sawi dun a, remti tlanga tih a ni,” a ti.

Hetihlai hian, Assembly Speaker hian zawhna zawttu leh a zawhna a sawilang lo.