News

Sub Hqrs YMA, Kolasib conference vawi 8-na chu ni 21.4.2026 atang khan Diakkawn YMA Hall-ah neih a ni a, nimin khan rorelin, YMA khawih agenda 4 leh sorkar khawih agenda 7 te pass a ni.

SHYMA President Thomas D Lalengliana kaihhruai rorelah hian palaite chuan YMA khawih thil ‘Khawhar In-a hlasak tur hi a Bu-in Central YMA-in buatsaih rawh se’ tih Serlui Group aṭanga lut te, ‘Central YMA, Sub-Hqrs YMA, Group leh Branch-ten letter head in ang tlanga kan hman theih nan hmalak ni rawh se’ tih Sakawrhmuituai Group aṭanga lut te, ‘Sub-Hqrs YMA huam chhunga kan lui neih te humhalh ni rawh se’ tih Diakkawn Branch aṭanga lut leh SEC aṭanga lut Sub-Hqrs. YMA Conference, Inkhawmpui leh Rorel Inkhawm minute-te compile-in a bu a siam ni rawh se tihte an pass.

Sorkar khawih agenda an pass-te :

1.Mizoram tribal list ennawn ni rawh se (Awithangpa Group)

2.Rail station pawh turin Sakawrhmuituai Group huam chhung atangin kawng thar siam dan ngaihtuah ni rawh se (Sakawrhmuituai Group)

3.Serkhan to Bagha Road hi siam that a nih theih nan Sub Headquarters YMA, Kolasib in hma min lakpui rawh se (Pualreng Group YMA),

4.Sihphir to Kawnpui (Sairang peng) tlang kawng hi double lane tura hmalak ni rawh se (Sakawrhmuituai Group)

5.Sawrkarin ILP a kalpui mek hi kimchang leh khauh zawka hman a nih theih nan sorkarah thlen ni rawh se (Diakkawn Branch)

6.Sub-Hqrs. YMA huam chhunga ramri check gate kan neihna hmun khuaah, bazar ni hian ILP ngawrh zawk a check thin ni rawh se (Thingdawl Hmarveng Branch)

7.ILP Cell leh Police Check Gate hmunhma tur ramri hrul Vairengte ah 4-Lane kawngpui laih zawh hma ngeiin Mizoram Sorkarin ruahman fel rawh se (SEC)