Sorkarin theihtawp a chhuah

Home Minister K Sapdanga chuan vawiin (23.2.2026) Assembly Session-ah ZPM member Lalchhuanthanga zawhna chhangin, smuggling ti tawp tura an hmalaknate House a hrilh.

Home Minister tarlan danin, Mizorama smuggling, a bikin ruihhlo kal titawp tur hian sorkar chuan theihtawp chhuahin hma a lak chhunzawm reng. Ni 1.9.2026 atang khan khaw chhak atanga Mizorama ruihhlo lo lut tur dangchat turin ruihhlo do beihpui thlak tan niin, ramri hrul hmun eng emaw zatah Mizoram Police leh khawtlang tangrualin ruihhlo lo lut tur ven hna an thawk.

District tinah District Magistrate kaihhruainain ruihhlo do beihpui thlak a ni a, he hmalakna hian ruihhlo manna kawngah nasa taka a puih avangin duty hi ni 31.3.2026 thleng pawhsei a ni.

Dan loa ramdang atanga Mizoram chhung leh Mizoram kaltlanga kuhva rah tawlhruk tihtawp a nih theihna atan Mizoram Sorkar chuan hma a lak chhunzawm reng. Mizoram Police-te pawhin police check gate duty bakah patrolling-te neiin, uluk taka duty-in kuhva rah tawlhruk a awm leh awm loh an thli thlai reng a ni. Chu bakah District Magistrate-te’n kuhva tawlhruk khapna order an ti chhuak.