Speaker hlui lakah prosecution sanction

Mizoram Sorkar chuan April 23, 2026 khan Assembly Speaker hlui Lalrinliana Sailo laka thubuai ziahluh phalna (prosecution sanction) a ti chhuak.

Lalrinliana Sailo hi Khawzawl atanga Ngaizawl panna kawngpui siamnaa eirukna a awm nia sawi chungchanga a mawhphurtua puh Assembly Speaker hlui Lalrinliana Sailo lakah hian ACB chuan thubuai ziahluh phalna a dil a, ngun taka ngaihtuah a nih hnuah pek an ni.

Vigilance Secretary-in hriattirtna a tihchhuah-a tarlan a nih danin, Lalrinliana Sailo hian Tuichang Bialtu MLA a nih laiin Khawzawl atanga Ngaizawl panna kawngpui flexible pavement hmanga siam turah a thuneihna hmangin hna hi a pe a, he hna thawhna atan hian cheng nuai 65 a puk thu leh a pung nen cheng nuai 100 rulh a ngaih thu a sawi.

Hemi hnu hian contractor Colleen Lalsangpuii leh sub-contractor Romuanpuii Zadeng hnen atangin Rs. 97,85,000 a dawng nia sawi a ni.

Thubuai chhuitu ACB-in Lalrinliana Sailo laka thubuai ziah luh phalna an dil chu Vigilance Department -in uluk taka a zirchian hnuah Lalrinliana Sailo chu thil dik lovah a inhnamhnawih ngei nia a lan avangin a laka thubuai ziah luh phalna hi tih chhuah a ni.