STA-in ruahmanna an siam

State Transport Authority (STA), Mizoram chuan Aizawl khawpui chhunga mipui, Aizawl City Bus hmang thinte leh bus neitute tan awlsam leh awmze nei zawka pick and drop kalpui a nih theih nan a hnuaia mi ang hian ruahmanna an siam.

1.Aizawl City Bus-te an stand-ah rei tak ding loa, passenger luh leh chhuah hun chhung chiah din tirin, pick & drop system chu September 2025 atanga Oct 2025 inkar chhung khan enchhinna hlawhtling takin lo kalpui tawh a ni.

2.Hemi chungchang hi State Transport Authority meeting ni 04.02.2026-a neih chuan a ngaihtuah a, Aizawl khawpui chhunga bus a chuang thinte tan a that em avang leh ACBOA lam pawhin kalpui zel tha an tih avangin pick & drop system hi Aizawl khawpui chhungah kalpui chhunzawm nise tiin a rel a.

3.June ni khat, 2026 atanga thu leh awm hma chu Aizawl khawpui chhunga city bus-te chu an stand-ah rei tak ding tawh lovin, passenger luh leh chhuah hun chhung chiah an ding tawh tur a ni. He thil hi mipui hmakhaw ngaia ruahman a nih ang ngeiin, mipuite pawhin lo zawm a, lo hmang tangkai thin turin an ngen a ni.