Jun 09, 2026
Tuesday
Mizoram State Transport Authority (STA) chuan a hnuaia tarlan ang hian Mizotaxi chungchangah thuchhuah an siam.
1.Mizotaxi hnuaia in register-te tana registration fee, Office Order No.F.20016/l/2025-DTE(STA)Vol-III dt.29.05.2026-a lo chhuah tawh chu thuneitute remtihna in motor pakhat ah Rs.500/- ah siam rem a ni. He registration fee hi a motor service hun chhung atan a ni ang a, a bak pek leh a ngai tawh lo ang.
2.Aizawl khawpui chhunga service lai – two-wheeler taxi, four-wheeler taxi leh auto-rickshaw te chu June 2026 chhungin Mizotaxi Office- DTO (L.A) Office hnuai, Transport Complex, Chaltlangah registration tifel vek turin kan in ngenin, kan in hriattir nawn leh a ni. In register tur chuan motor document felfai, driving licence leh voters’ ID an keng tur a ni.
3.Hun tiam chhunga mipui mamawh tur khawp lirthei in register a awm lo a nih chuan a tul angin Mizotaxi hnuaia tlan tur permit pek belh a ni ang.
