Feb 20, 2026
Friday
Vawiin (20.2.2026) hian hmun hrang hrangah State Day of Prayer Committee bultumin State Day of Prayer hman a ni a, Aizawlah chuan Lammualah Chief Minister Lalduhoma hoin hman a ni.
Thlarau zawk hnathawh hi kan rin thiam phawt chuan a rawn thlen zel tur thu sawiin Lalduhoma chuan, “He kan ram leh hnam tun din kan sawirual hian, kan sakhua, kan thlarau nun, keimahni theuhah temple tun din hmasak a ngai a ni tih hi kan hre reng tur a ni,” tiin Mizoramah Pathian ram lo thleng rawh se, tiin kan au \hin rualin, keimahniah a thlen hmasak a ngaih thu a sawi.
Chief Minister chuan State Day of Prayer hmasaah khan thupui chu sual thupha chawi ‘Ninevi Challenge’ tih a nih thu sawiin, “Nimahsela Assam Rifles hoin ‘in horn-te kan lam hawiin rawn vuah suh u, inthawm a ring lutuk tizawi rawh u’ an ti. Tihngaiha kan hre loa, i tawngtai rual ang u, he Lammual hi Pathian hnenah i dil ang u kan ti a nih kha. Kan han tawngtai ruala, awlsam têin he hmun hi min pe ta a, vawiinah chuan Pathian fakna hmun a lo ni ta,” a ti.
Mizoram hi India rama lehkhathiam vekna state hmsa ber kan nih thu sawiin, “CMS India Corruption Study te, Transparency International India leh Niti Aayog a\angin India rama corruption percentage an la a, UP chu corrupt berin 81% a ni a, chawhrualin India ram state-te corrupt-na chu 47.44% a ni. Mizoram chu 16% niin, India ram state 28 zinga corrupt lo ber kan ni,” tiin kan innghahna tur chu Pathian thu hi nise a duhthu a sawi.
