News

Mizoram State University Demand Committee, Lunglei chuan thuchhuah siamin, November 20, 2025-a Chief Minister Lalduhoma’n HPC Conference Hall-ah Mizoram State University Lungleiah din a nih tur thu leh Aizawl lama dah tura dan an lo siam tawh tih danglam a nih tur thu a sawi chu lawmawm an ti hle tarlangin, “Mizoram hmun hrang hranga hmasawnna rualkhai zawk a thlen theihna tur atana a hmalakna leh zirlaite hmakhua a ngaihtuah avangin fakawm kan ti hle,” an ti..

State University Demand Committee in Chief Minsiter a ngenna kal zelah, HPC Vice Chairman V. Malsawmtluanga pawhin November 24, 2025 ah Lungleia institution-te upgrade a, state university-in a huamtel (cluster college) theih nana hmalak a nih tur thu a puang tih tarlangin, “Chief Minister leh HPC Vice Chairman ten, Lungleiah Mizoram State University din a nih tur thu leh Lungleia institution-te state university in a huam tel theih nana hmalak a nih tur thu an puan ang ngei hian Assembly Session hmasa berah State University Bill thar pu lut a, pawm turin Mizoram Sorkar kan ngen nawn leh,” tiin a hlawhtlinna hmel, a taka hmuh a nih hma chuan state university chungchang hi a tawp thlengin an vil chhunzawm zel dawn tih an tarlang.