Mar 18, 2026
Wednesday
Vawiin (18.3.2026) tlai khan Social Welfare Minister Lalrinpuii office-ah Jordan Center, Sethawn Mizoram Synod kuta hlanna tur inremna (memorandum of agreement) chu ziah fel a ni.
He inremnaah hian Social Welfare Secretary Lalzarmawii leh Synod Moderator Rev. John Raldosanga ten inremna an ziak a, hriatpuituah sorkar lam atangin Social Welfare Joint Secretary Zonunthari leh Joint Director Corline Hmingthanzuali’n hming ziakin, Synod atangin Sr. Executive Secretary Rev. VL Luaia Hranleh leh Executive Secretary Rev. Dr. K Lallawmzualate’n hming an ziak thung.
He inremna ang hi chuan Jordan Center hi Mizoram Synod enkawl turin kum 15 atan hlan a ni phawt ang. Kumtin sorkarin tanpuina (grants-in-aid) nuai 50 a pe ang a, kum 2 danah 5% a tihpun thin tur a ni dawn a ni. He hmunhma hi ruihhlo avanga harsatna tuarte tan de-addiction emaw after care anga kalpui tur a ni ang.
