Taiawn Vice Minister Team an rawn zin

India-Taiwan Labor Mobility agreement 2024-hnuaia a hmasaber/pilot atan Mizo thalaite Taiwan-a hnathawk tura hmalakna chungchangah Vice Minister Ministry of Labor, Taiwan, Taiwan Ambassador leh official dang an vaiin mi 10-te chu Aizawlah nimin (9.1.2026) khan zan khat riakin an rawn kal.

An hun hman dan :

MYC office-ah Jannuary 9 tlaiah meeting neih a ni. Meeting hi Malsawmzuala Ralte, Chairman MYC-in a kaihruai a, Jonathan Lalremruata, OSD to CM leh LESDE aiawh an tel.

Kan ram, ei leh in, hmel, hnam lam leh nunphung te inang an tih thu sawiin, Taiwan-a awm ang maia an tlangnel thu an sawi. Kan thalai te pawhin Taiwan nuam an tih ve ngei an beisei.

Taiwan a hnathawk duh thalai 300 chuangin MYC-ah dilna an thehlut a, a thawh khatna hi March thla chhung a tifel hman tura ruahmanna siam a ni. Manufacturing industry a thawk tur an ni dawn a ni

MYC hian TECC/Taiwan Economic & Cultural Centre nena tangkawpin, Mizo thalai Taiwan-a hnathawk a kal turte pualin training hrang hrang MYC office-ah nei turin ruahmannate siam a ni bawk.

Taiwan Vice Minister Team hian CS leh CM te an chenna inah hmuin, thalai hnathawk tur thawn bakah disaster Management and mitigation, agriculture/horticulture, badminton, solar, electronics-ah te la thawh ho zel ni se tiin ruahmanna siam a ni bawk.