Dec 18, 2025
Thursday
Nimin (17.12.2025) chawhnu dar 2 vel khan Lunglei District Jail atangin Raju Chakma leh Lakrahawia Chakma-te an tlan chhuaka, Lakrahawi-a Chakma hi man a ni tawh.
Lunglei atanga thudawn danin,Raju Chakma hi Chawngte lam mi a ni a, POCSO Case avanga jail-a tang a ni. Lakrahawia Chakma hi Tuichawng khua, scooty ruk thubuai avanga jail-a tang a ni thung. Tlak lampangah jail compound hungnaah leihlawn dawhkaia lawn liamin an tlan chhuak nia hriat a ni.
Jail tangten nimin chawhnu lama chaw an ei dawnah Raju-a leh Lakrahawi-a te hi an awm ve lo tih hriat chhuah niin ngawrh taka zawn chhunzawm an ni.
Hauruang leh Phairuang kai lamah Jail tang tlanchhuak nia rinhleh hmutu an awm tih sawi thawm a awm avangin jail thuneitute chuan helai chheh vel hi ngawrh taka dapin, nizan zan khuaa an zawn hnuah vawiin chawhma dar 10 vel khan Lakrahawi-a hi Hauruang VDP-te’n an man.
Hauruang VDP chuan Lakrahawi-a hi Lunglei Police hnenah an hlan a, Raju Chakma erawh he thuziahlai thleng hian man a la ni lo.
