TATA SUV Punch khuh hawn a ni ta

India ram chhunga car hralh chhuah tam ber ni mek TATA SUV Punch, tlangram mil tura duan chu ni 13.2.2026 tlai dar 4:00 khan LESDE Kut hmanna Lammualah LESDE Director John Tanpuia chuan a khuh hawng.

LESDE Director John Tanpuia chuan, Tata hi India rama company hlun tak a nih thu sawiin, “Motor eng emaw zah lo siam tawhtu an nih avangin a tha hle ang. Khawvel thang zela mila siam a ni a, chuan nuam bik, khualzin nan pawha duhthusam SUV a nih avangin Mizoram tlangam mil a ni. Motor man tlawm leh tha a nihna hian a ti hlu. Hetiang ang Motor tha chhawpchhuaktu NBE TATA Motors chungah lawmthu ka sawi,” a ti.

CEO NBE TATA Motors, Jason Lalzawmpuia chuan motor chungchang tarlangin, ,”TATA SUV Punch hi India ramchungah hralh chhuah tam ber a ni mek. Kawngchhe tak takah pawh tlan thei tura duan tur niin Mizoram tlangram mil tura duan a ni. Motor chhung a zau a, hahdam zawkin a awm theih. Tin, a khawl hi turbocharged a ni a, kawng chhia a ngam leh zual. Motor khan a sanga, hei bakah hian 360 degree camera nei bawk. Punch ah hian chi hrang hrang Smart, Pure, Adventure, leh Accomplishe te a awm,” a tiin a. tak ngei bel chiang turin mipui a sawm a ni.

Punch bik hi India ramah October 18, 2021 ah hralh chhuah tan ni tawh mahse, changkang leh tha zawka thuam belh zel a ni. Tuna tlangzarh tak Punch 2.0 hi Mizoram mil thei tur ang a nih avangin NBE TATA Motors chuan mipui lei theih turin a tlangzarh ve leh ta a ni.

TATA SUV Punch hi a man hniam ber Rs.5,59,900/- atangin a in tan a, a man sang ber top class chu Rs. 8,90,000/- a ni thung. NBE TATA Motors chuan down payment hniamte in an tih theih thu an tarlang. Motor belchiang duhten engtik lai pawhin Khatla, Showroom ah biak pawh theih reng a ni.

…