TBCC-a in sak thar hawn a ni

Vawiin (11.5.2026) tlai dar 3 khan Tawngtai Bethel Camping Centre (TBCC), Sakawrtuichhun-a in sak thar, ‘Josepha Room’ chu Minister of State B. Lalchhanzova’n a hanwg.

B. Lalchhanzova chuan TBCC awm mekte hnenah ruihhlo avanga Mizoram a rum laia Central YMA leh TBCC founder Zohmingthangate chhungkuain a langsar lo lama rawngbawlna hlu tak an thawk chu fakawm a tih thu a sawiin, TBCC-a ruihhlo laka harsatna tawk mekte fuihin, “He ram hian a mamawh che u, in chhia leh tha hriatna hman tum rawh u,” tiin Supply Department leh WIC Scheme atangte pawha theihtawp a lo chhuahpui a tum thu a sawi.

CYMA President R Lalngheta chuan ruihhlo laka harsatna tawk mekte chu drugs addict tura piang bik an ni lo tih hrilhin, “In dam leh thei a ni tih hria a, rilru fim nen ngaihtuahna thar hmang Rawh u. Ruihhlo do kawngah ‘hmangaihtu der’ an chhuah thin avangin mipui an mangang thin. Kuminah Pathianin boruak thar tha zawk min pek lai hian CYMA chuan ruihhlo bawih a tang mekte chhanchhuah nan theih tawp chhuah kan tum leh mek,” tiin TBCC-a awmte chu khawvel dam chhung rei loteah midangte tana malsawmna ni tura rawn chhuak turin a fuih.

In sak thar hi “ Joshepa Room” tiin a hming vuah a ni a, a dung ft 60 leh a vang ft 24 a lian a ni a, hei bakah hian choka, inthiarna leh venbuk 2 bakah infiamna tur kawt zawl zau tak a awm. A sakna atan Rs. 13,59,822 sen a ni. Hemi bakah hian in dang 2 sak leh a ni ang. In sakna hi Chief Minister, Home Minister leh Excise Minister te ruahmanna atangin sawrkarin a tum a, Central YMA-in a sak hna an thawk.

Tunah hian TBCC-ah hian mi 673 an awm mek a ni.