Thlai thar leite thlirlet

Vawiin (3.11.2025) chhun khan Mizoram Agricultural Marketing Board-te chu an chairman Lalduhoma, Chief Minister kaihhruaiin CM Conference Hall-ah an thukhawm a, kumina thlai thar leite an thlirlet.

Meetinga tarlan a nih danin, kuminah sawhthing quintals 3,38,354 lei a ni a, a man pek chhuah tawh chu cheng vbc. 118. 89 niin, la pek chhuah loh Rs. 20 Cr. vel a la awm. Sorkarin sawhthing a lei zingah LPK Trip 7 chiah hralh ral lohin a awm. Hetianga a awm chhan hi a chhe tur ven nana thliar (grading) a ngaih vang a ni. Hei pawh hi leitha siam nana lei diltu an awm mek. A dang zawng chu mumal taka tihral vek a ni a.

Sawhthing lei leh hralh thua thil fel lo a awm leh awm loh chhuitu Investigation Team-ten Champhai District an chhuichianna report an tarlang. Thil dik lo an hmuhchhuahte hi sawrkarin a taka sum a la pekchhuah lohte an ni. Hetiang harsatna hi a awm tawh loh nan ruahmanna siam a ni.

Kumin sawhthing lei leh hralhna bikah hian Central Sorkar Market Intervention Scheme atangin cheng vbc. 9 beisei a ni.

Kum thar atana inbuatsaihna bakah hian NITI Aayog-in sawhthing chungchang sawihona a buatsaih tura tel tur an ruat a, Buyer Seller – Meet 2025 neih dan tur te, MAMB thuam chak dan tur leh thil dangte an sawi nghal.

Meeting-ah hian Horticulture Minister C Lalsawivunga, LRSWC Minister Lalthansanga, Agriculture Minister PC Vanlalruata, Adviser to CM (Handholding) Dr KC Lalmalsawmzauva leh official-te an tel.