News

MNF chuan vawiin (8.12.2025) chhun khan an office-ah chhung inkhawm an hmang a, thusawitu MNF NCC member Tawnluia, ex. Dy. CM chuan MNF leh India Sorkarten remna thuthlung bung leh chang an duannaah Lalduhoma a tel ve lo tih tarlangin, “A tel zawk chu Mizoram Governor-a kum 3 lo awm tawh Pu Swaraj Kaushal (L) zawk a ni,” a ti.

Tawnluia chuan Mizoram Governor hlui waraj Kaushal kha Laldenga ngaisangtu tak a nih thu sawiin, “India Sorkar nen kan inbiaknaah dan (legal) anga nasa tak a min puitu leh Legal Adviser niin kum 1984 November thlaah inbiakna kan ṭan. Kum 1986 June 30 ah remna ziah a ni ta a ni. Pu Duhoma’n London a draft duannaah ka tel ve a tih hi dawt a ni a, telve nise amah leh Pu Denga khan an sawi ve ve ang. Pu Denga fanu ngeiin a tel loh thu leh Pu Swaraj-a tel thu a sawiin a ti chiang,” tiin remna thuthlung bung leh chang duan a tel ve angaDuhoman zirlaite hmaah a sawi ṭhin chu a dik loh thu a sawi.