News

Nimin (2.5.2026) tlai dar 5 vel khan Lalsangliana (23), Hmunhmeltha khua, Champhai District chu tractor-a chetsualna vangin a thi.

Thudawn danin, Lalsangliana hian an tractor-in naupang pahnih a phur a, khaw chhung atanga hla vak lo kawngthlangah an tlan liam a, metre 10 vel an lum. Chetsualna hmunah Lalsangliana hi a hliam tuar loin a thi.

Feh haw lampangin a naupang phurh pakhat zawk Lalremruata (15) chu kawngpuiah an hmu a, ani hian an chetsual thu a lo hrilh. Chetsualna hmun an thlen chuan Lalsangliana hi a lo thi tawh. C Lalhunruata (11) chu hliam tuarin a lo awm.

Naupang pahnih hi Champhai Damdawi Inah hruai an ni a, kum 11 mi hi a malpui ruh a tliah vangin Aizawlah refer niin, kum 15 mi chu first aid pek a nih hnuah in lama inenkawl tura hawtir a ni.