Nov 11, 2025
Tuesday
Nizan (10.11.2025) dar 6:30 vel khan truck-in nu pakhat a chil hlum a, amah ni ngeia rin chu hriat nimah se, tunge a nih finfiah a la ni lo. A chiltu truck hi hmuhzui a ni tawh lo.
Ramhlun North YMA hruaitute hnen atanga Bengvarna thudawn danin, truck-in a chil hlum hi an veng mi nia hriat a ni a, a hmel vel a chil chhiat vek avangin tunge a nih hriatchian a har. A fate chuan an nu ni ngeiin an hria a, la finfiah chhoh zel tum a ni. A lo ni a nih chuan kum 55 bawr vel mi a ni.
Sairanga a belhte chuan a thawmhnaw hak atangin Ramhlun North mi hi ni ngeiin an ngai a, chiang takin an sawi ngam lo thung. Ruang la turin Ramhlun North YMA hruaitute chu kal turin an inbuatsaih mek a, postmortem tur niin, a theih angin tunge a nih chiah finfiah tum a ni.
