Jan 08, 2026
Thursday
Vawiin (8.1.2026) Kawlchaw West, Lawngtlai District-ah truck-in a sut vangin pafain nunna an chan.
Police atanga Bengvarna thudawn danin, vawiin chawhma khan Lalremruata (39) h/o Zothankhumi, Saikah, Lawngtlai District chu a fapa Lalduhsanga (7) leh an nau Amos-a (21) nen bawnghnute sem turin Kawlchaw West-ah hian scooter (scooty) in an kal a, Kawlchaw khaw tawn tirhah truck hian scooter-a an tlan lai a su.
Truck-in a sutna hmunah hian Lalremruata hi a ka pawh chhawn loin a thi a, a fapa Lalduhsanga hi damdawi inah enkawl niin, tlai dar 5:30 vel khan a hliam tuar loin a thi ve leh a ni. Amos-a erawh ngaihtuah awm lutuk a ni lo.
Truck khalhtu Ranjit Rana (28) @ Lalduhawma, Lungpuizawl khua, Lunglei District chuan zu a rui hle nia hriat a ni. Lalremruatate a sut hnu hian tlan tlangin, thui vak loah tlakdal (parapet) a su a, hetah hian an man. Truck pawh hi tlan thei loin a chhia. Ranjit Rana hi Kawlchaw Police-in an man.
