Jan 07, 2026
Wednesday
Bawngkawn Police-te chuan nimin (6.1.2026) zan khan F Lalsangzuala (45), Bawngkawn South chu a chenpui (kawppui) Lalthakimi (46) thah thubuaiah man a ni.
Bawngkawn Police atanga Bengvarna thudawn danin, ni 3.1.2026 khan Lalthakimi hi a kawppuiin na takin a hliam a, City Hospital ICU-ah dah a nih hnuah ni 6.1.2026 zan dar 8:30 khan a thih thu report an dawn chu an chhuzui a ni.
An chhuizuina atangin Lalthakimi hi a pasal nena inthen tawh, New Chalrang atanga Aizawla rawn chhuk tih leh tualthattua puh F Lalsangzuala nena cheng dun an ni tih hriat chhuah a ni.
Ni 3.1.2026 zan hian Lalthakimi leh F Lalsangzuala hi an inhnial thinrim a, F Lalsangzuala hian chhuatah a namthluk avangin Lalthakimi hian a luah hliam tuarin, hei hi a thihpui ta nia ngaih a ni. He thil thlen lai hian midang inah hian an awm lo.
Lalthakimi ruang hi Civil Hospital, Aizawlah postmortem tura lak a ni a, F Lalsangzuala hi vawiinah jail-ah dahluh a ni.
