News

Gideon Lalchhanhima (5) s/o Lalthanpuii, Chungtlang khua, Mamit District chu ni 13.12.2025 (Inrinni) khan tuikhuahah a tlahlum.

Thudawn danin, Gideon-a hi a pu nen ramah an riak a, a tuk zingah haw turin an chhuak leh a ni. Kawngah midang nena an thlam intawmah an hawna tur motor nghah pahin an chawl a, a pute hian thingpui an in.

Thlam thlanga tuikhuah bulah Gideon-a hi kalin, a kal tur thu pawh a pu a hriattir. Nidangah pawh a kal thin tho vangin a pu hian ngaihthat lohna a nei lo. Thlama thingpui inve pakhat chuan a hnu deuhah tuikhuaha Gideon-a lang hi a zuk hmu a ni.

Rang taka la chhuakin, chhan tumin theihtawp chhuah mah se, an chhan thei ta lo a ni. Chawhma dar 11:30 ah a thi.