News

Nimin (8.8.2026) a Chhimtuipui Ferry-a tla nia rin Ranjit Das (52), Lawngtlai Bazar Veng chu zawn mek a ni.

Thudawn danin, Ranjit Das hi PHE Department-a thawk niin, nimin chawhma lam dar 8 – 10 inkara a duty na hmun tur Chhimtuipui Pump House pana a kal chu vawiin chhun dar 12 thlenga a chin hriat loh a ni.

Heivang hian Central YLA chuan ngenna ti chhuakin, amah lo hmu emaw, a chin hriate chu a awmna chin hriattir turin an ngen a,

Chhimtuipui Ferry hnaih deuh YLA Kawlchaw West Branch, Liapha Branch, Kawrthindeng Branch, Hruitezawl Branch leh Kakichhuah Branch te Chhimtuipui lui lo thlithlai turin an ngen bawk.

Khaw hrang hrangte hi tuitla nia hriat zawng hian an thawk chhuak a, Ranjit Das bag ni ngeia hriat chu hmuh a ni. He thuziahlai thleng hian hmuh a la ni lo thung.