Dec 14, 2025
Sunday
Nimin (13.12.2025) chawhma dar 10 vel khan Bezalela (37), Vaitin chu Tuivai Luiah a tlahlum. Nimin hi Bezalela piancham a ni.
Thudawn danin, Bezalela hi a thianpa nen sangha man turin ni 13.12.2025 khan a thianpa nen Tuivai Luiah hian an riak lut a, nimin zing dar 10 vela lawng atanga sangha a man tur chu chesualin, tuiah a tla a ni.
Khawtlangin a ruang zawn hna an thawk nghal a, tukin zing dar 8 vel khan a tlakna atanga feet 20 vel tui chhungah hmuh a ni. Buaipui ngaite buaipui a nih Bezalela ruang hi an khua an panpui.
